Krishna Chudasama utnemnd til statssekretær i Barne- og familiedepartementet
Historisk arkiv
Publisert under: Regjeringen Stoltenberg II
Utgjevar: Barne- og familiedepartementet
Pressemelding | Dato: 28.10.2005 | Sist oppdatert: 05.10.2006
Kronprinsregenten har i statsråd i dag utnemnt ein ny statssekretær til Barne‑ og familiedepartementet.
Pressemelding
Nr.: 050107
Dato: 28.10.05
Krishna Chudasama utnemnd til statssekretær i Barne- og familiedepartementet
Krishna Chudasama kjem frå stillinga somsosialombod i Fredrikstad kommune. Ho har ein mastergrad i sosialt arbeid og er cand.polit i sosialt arbeid. I tillegg er ho sosionom, med tilleggsutdanning i leiing, rettleiing og kommunikasjon. Chudasama har vore leiar for likestillingsutvalet, vore kommunestyrerepresentant i Fredrikstad, delteke i minoritetsetnisk arbeidsgruppe i FO og vore vararepresentant til styret i ØAP.
Fødd: 07.08.61
Bustad: Fredrikstad
Sivilstatus: Gift, to born
CV:
Utdanning: Cand.polit i sosialt arbeid. Sosionom med tilleggsutdanning i leiing, rettleiing og kommunikasjon.
Yrkeserfaring: Sosialombod i Fredrikstad kommune, sosialkonsulent, mottakskonsulent, rettleiar og rådgivar.
Medlem av: Fagråd for Statens helse‑ og sosialtilsyn, Det regjeringsoppnemnde kontaktutvalet mellom innvandrarar og styresmaktene, Kontaktforum i Østfold politidistrikt, og Brukarkontaktforum for Aetat.
Verv: Leiar for likestillingsutvalet, kommunestyrerepresentant i Fredrikstad, medlem av minoritetsetnisk arbeidsgruppe i FO, vararepresentant til styret i ØAP.
Kompetanse‑ og interesseområde: Studium av langtids sosialhjelpsmottakarar. Brukarmedverknad og etikk i sosialt arbeid. Sosialpolitikk og eventuelle samfunnsstrukturar som skaper taparar. Likestilling.