Prop. 5 S (2025–2026)
Samtykke til ratifikasjon av konvensjon om skiping av ein mellomstatleg organisasjon for utvikling og utnytting av digitale havsystem og informasjonstenester (Mercator internasjonale senter for havet) av 23. april 2025
Tilråding frå Utanriksdepartementet 31. oktober 2025, godkjend i statsråd same dagen. (Regjeringa Støre)
Proposisjon til Stortinget (forslag til stortingsvedtak)
Prop. S om samtykke til ratifikasjon av konvensjon om skiping av ein mellomstatleg organisasjon for utvikling og utnytting av digitale havsystem for informasjonstenester (Mercator internasjonale senter for havet) av 23. april 2025. Konvensjonen omgjer den privatrettslege stiftinga Mercator Ocean International i Toulouse i Frankrike til ein mellomstatleg organiasjon. Mercator har utvikla komplekse havsimuleringssystem som er i stand til å beskrive, analysere og føreseie den fysiske og biogeokjemiske tilstanden til havet. Sidan konvensjonen inneber budsjettvedtak og blir rekna som ei sak som er særleg viktig, er Stortingets samtykke til ratifikasjon nødvendig etter Grunnlova § 26 andre ledd.