Moderat auke i arbeidsløysa i april
Historisk arkiv
Publisert under: Regjeringen Stoltenberg II
Utgjevar: Arbeidsdepartementet
Pressemelding | Nr: 26 | Dato: 30.04.2010
–Regjeringas politikk har virka, og det ser ut som om Noreg kjem gjennom den økonomiske krisa med mindre auke i arbeidsløysa enn forventa, seier arbeidsminister Hanne Bjurstrøm.
–Regjeringas politikk har virka, og det ser ut som om Noreg kjem gjennom den økonomiske krisa med mindre auke i arbeidsløysa enn forventa, seier arbeidsminister Hanne Bjurstrøm.
Veksten i arbeidsløysa per månad har vore om lag den same gjennom det siste året. Nye tal frå Arbeids- og velferdsdirektoratet viser at den sesongkorrigerte arbeidsløysa auka med om lag 600 personar frå mars til april.
Ved utgangen av april var det 78 290 heilt arbeidslause. Dette er 3,0 prosent av arbeidsstyrken. I april har 43 prosent av dei registrerte arbeidslause vore arbeidssøkjarar lengre enn seks månadar. Dette er 12 prosentpoeng høgare enn på same tid i fjor. Sesongjustert tal for heilt permitterte er om lag uendra frå mars. NAVs tal tyder dermed på at vulkanutbrotet på Island ikkje har ført til langvarige permitteringar.