Svak utvikling på arbeidsmarknaden i september
Historisk arkiv
Publisert under: Regjeringen Stoltenberg II
Utgjevar: Arbeidsdepartementet
Pressemelding | Nr: 64 | Dato: 01.10.2010
Den registrerte arbeidsløysa auka med 2 800 personar i september, korrigert for normale sesongvariasjonar. –Det bryt med den gode utviklinga vi har sett gjennom sommarmånadane, seier statssekretær Gina Lund.
Den registrerte arbeidsløysa auka med 2 800 personar i september, korrigert for normale sesongvariasjonar. –Det bryt med den gode utviklinga vi har sett gjennom sommarmånadane. Tala frå NAV kan tyde på at det er låg fart i norsk økonomi, seier statssekretær Gina Lund i Arbeidsdepartementet i ein kommentar til NAVs arbeidsmarknadsstatistikk for september.
– Låg etterspurnad etter arbeidskraft saman med nivået på tiltaka etter ferien i år er med på å forklare auken i talet på heilt arbeidslause, seier statssekretæren.
NAVs arbeidsmarknadsstatistikk viser at det ved utgangen av september er registert 71 400 heilt arbeidslause. Det er 5 prosent fleire enn på same tid i fjor, og 2 800 fleire enn førre månad, justert for normale sesongvariasjonar.