Mindre vekst i arbeidsløysa

–Eg er glad for at det faktiske talet på registrerte arbeidslause går ned frå 72 700 i april til 68 300 i mai. Den sesongkorrigerte ledigheten viser likevel framleis ein auke, seier arbeids- og inkluderingsminister Dag Terje Andersen.

Auka i sesongkorrigert ledighet er redusert frå tidlegare månadar.

NAVs statistikk for mai 2009 viser at det ved utgangen av månaden var registrert 68 300 heilt ledige arbeidslause. Dette er ein auke på vel 31 000 personar frå same tid i fjor. Frå april til mai har det vore ein auke på vel 1 400 arbeidslause personar, når ein tar omsyn til normale sesongvariasjonar. I perioden januar til april var det ein langt kraftigare auke, om lag 5 000 personar per månad.