1. juli overtek Bufetat ansvaret for andrelinetenesten  i barnevernet i Trondheim. Same dag får sjølvstendig næringsdrivande full rett til foreldrepengar, samtykke til adopsjon vil gjelde for tre år, og barnevernet sitt ansvar for einslege mindreårige asylsøkjarar blir lovfesta. Grunnsatsane justerast for fastsetting og endring av  barnebidrag, og tidligare fastsette bidrag skal regulerast i samsvar med endringa i konsumprisindeksen. Også satsane for livsopphald under gjeldsordning er endra frå 1. juli.

Det kommunale barnevernforsøket i Trondheim blir avvikla. Det statlege barnevernet (Barne-, ungdoms- og familieetaten) tek over ansvaret for andrelinetenesten, slik det er elles i landet med unntak av Oslo. Endringa fører mellom anna til at Bufetat overtek ansvaret for institusjonstilbodet.

Sjølvstendig næringsdrivande
foreldre får heretter full rett til foreldrepengar, på line med arbeidstakarar. Til no har denne gruppa berre hatt rett til 65 prosent lønskompensasjon. Eigen forsikring har vore naudsynt for å oppnå full dekning av tapt inntekt under foreldrepermisjonen. Endringa er meint å stimulere fleire kvinner til å etablere eigen verksemd gjennom auka økonomisk tryggleik. Endringa vil òg gje fleire fedrar rett til foreldrepengar.


"Barne- og likestillingsminister Anniken Huitfeldt sammen med arkitekt Camilla Skaane som nå vil få 100 prosent dekning opp til 6G når hun skal ut i fødselspermisjon med sitt andre barn". Foto: Henrik Mevold

Førehandssamtykke til adopsjon
av born frå utlandet har til no vore gyldig i to år. Godkjenninga blir etter dette gjeve for tre år, og som tidligare med høve til forlenging i eitt år. Årsaka er at det har blitt stadig lengre ventetid på barn frå utlandet, slik at godkjenninga ofte går ut i ventetida. Søkarar som no er inne i sin toårsperiode vil få godkjenninga automatisk forlenga med eitt år. Søkarar som alt har fått eitt år forlenging får høve til å søke om ytterlegare forlenging med eitt år.
Endringa skal sikre alle som har fått førehandssamtykke til adopsjon anledning til å behalde godkjenninga i inntil fire år utan ein heilt ny søknadsprosess.

Lovfesting av ansvaret for einslege mindreårige
Barnevernet har overteke omsorgsansvaret for einslege mindreårige asylsøkarar under 15 år. Regjeringa tek sikte på at barnevernet skal overta dette ansvaret også for einslege mindreårige mellom 15 og 18 år i løpet av 2009.

Overtakinga av dette ansvaret er nå lovfesta gjennom ei endring i lov om barnevern. Endringa trer i kraft 1. juli.


Endra grunnlag for fastsetting av bidrag
Grunnlaget for fastsetting av barnebidrag justerast årleg pr. 1. juli i lys av oppdatert statistikk og prisutviklinga. Det er i hovudsak snakk om mindre justeringar i satsane, med nokre unntak:

  1. Satsen for barnet sine bukostnader (inngår i underhaldskostnaden for barnet) er auka frå 1 300 til 1 660 kroner
  2. Satsen for kor mykje ein bidragspliktig kan behalde til eigne bukostnader er auka med
    a. 605 kroner til 5 243 kroner for aleinebuarar
    b. 542 kroner til 3 906 kroner for sambuarar/gifte

Reguleringa skjer på grunnlag av generelt auka bukostnader.

Statens institutt for forbruksforskning (SIFO) har elles endra aldersinndelinga i sitt standardbudsjett. Dette budsjettet ligg til grunn for utrekning av forbrukskostnadene i underhaldskostnaden for barnet. Denne justeringa gjev generelt små utslag, men noko meir for der barnet er over 11 år (med 340 kroner til 5 620 kroner).

Barnebidrag som er fastsett tidlegare skal i regelen regulerast årleg i samsvar med konsumprisindeksen. I år tyder dette at fastsette og avtalte bidrag skal aukes med 3,7 prosent frå 1. juli.

Bidragsforskottet er endra med same sats. Forskottet er endra slik:

  • Fullt forskott:           1 320 kroner pr. månad
  • 75 prosent forskott:    990 kroner pr. månad
  • 50 prosent forskott:    660 kroner pr. månad


Nye satsar for livsopphald under gjeldsordning
Dei rettleiande satsane for livsopphald under gjeldsordning er regulert i samsvar med Stortinget sitt vedtak om at satsane skal tilsvare 85 prosent av minstepensjonen. Den ble auka frå 1. mai i år til 136 296 kroner for einslege og 251 496 for ektefellar.

Grunnbeløpet i folketrygda ble samstundes fastsett til 70 256 kroner for 2008.

 

Rettleiande satsar for livsopphald frå 1. juli 2008.jamført med satsane for 2007:

1. Gjeldsordningssatsar

1.1 Vaksne         2008    2007
Einslige             9 654    8 487   
Par, samla       17 814  15 555  
Par, enkeltvis    8 907    7 778   

1.2 Barn under daglig omsorg                    2008    2007
0 - 5 år                                                   1 855  1 800 
6 - 10 år                                                 2 395  2 325  
11 år og over                                           3 040  2 950  

1.3 Satsar ved samvær med barn
Satsar for skyldnarar som faktisk har samvær med barn fastsettes til eit beløp tilsvarrande bidragsreduksjonen som samværet gjev rett til:

Omfanget av samværet                     0-5 år                 6-10 år           11 år og over
                                           

                                                2008       2007       2008    2007       2008     2007
Samvær mindre enn klasse 1            0            0            0          0           0           0

Klasse 1                                       185       190        265       260       375        350

Klasse 2                                       610       625        875       855     1 245     1 150

Klasse 3                                       850       875      1 220    1 195     1 740    1 605

Klasse 4                                     1 070    1 100      1 535   1 500     2 185     2 020