Grande Røys med mal for varsling i staten
Det varsla fornyings- og administrasjonsministeren Heidi Grande Røys på YS Stat konferanse 2007 i Oslo.
- Eg vil ta initiativ til å utvikle ein mal med gode rutinar for varsling i statleg sektor. Det vil kunne vere eit incitament, slik at statlege arbeidsgjevarar kjem eit steg vidare i arbeidet med å legge til rette for intern varsling, seier Grande Røys.
Ho la i sitt innlegg også vekt på at etikk handlar om å styrkje omdømmet til offentleg forvaltning og at det er leiarane sitt ansvar å setje etikk på dagsordenen.
