Innvandrarar skal kvoterast inn

1. januar 2008 startar forsøksprosjektet med moderat kvotering av innvandrarar ved tilsetjingar i 12 statlege verksemder. Blant innvandrarbefolkninga er arbeidsløysa tre gonger så høg som elles i landet.

- Vi har ikkje råd til å la verdifull arbeidskraft stå ubrukt, og vi kan ikkje akseptere slike skeive tilstandar i arbeidsmarknaden, seier fornyings- og administrasjonsminister Heidi Grande Røys.   

Moderat kvotering betyr at dersom to søkjarar har tilnærma like kvalifikasjonar, skal innvandraren ha forrang.
- Vi synest det er riktig å starte forsøk med positiv særbehandling for å få fleire innvandrarar ut av arbeidsløysekøen og over i arbeid. Kvotering på andre område har vist seg effektivt, seier Grande Røys.

Husbanken er ei av verksemdene som prøver ut moderat kvotering.
- Vi er glade for å bli med på forsøket fordi tilsette med fleirkulturell bakgrunn styrkjer ei verksemd. Innvandrarar tek med seg nye perspektiv og har verdifull kultur- og språkforståing, seier Bård Øistensen, viseadministrerande direktør i Husbanken.

Følgende statlige virksomheter deltar i prosjektet:

• Arbeids- og inkluderingsdepartementet
• Utlendingsdirektoratet
• Arbeidstilsynet
• Arbeids- og velferdsdirektoratet
• Statsbygg
• Forsvarsbygg
• Husbanken
• Departementenes Servicesenter (DSS)
• Oljedirektoratet
• Nasjonalt Folkehelseinstitutt
• Sosial- og helsedirektoratet
• Politidirektoratet