Regjeringa foreslår nye transportfly til Forsvaret
Historisk arkiv
Publisert under: Regjeringen Stoltenberg II
Utgjevar: Forsvarsdepartementet
Pressemelding | Nr: 21/2007 | Dato: 25.05.2007
Regjeringa har i dag lagt fram St.prp. nr. 78 (2006–2007) ”Om investeringar i Forsvaret”. Regjeringa foreslår for Stortinget blant anna ei rask nyskaffing av fire C-130J taktiske transportfly.
Regjeringa har i dag lagt fram St.prp. nr. 78 (2006–2007) ”Om investeringar i Forsvaret”. Regjeringa foreslår for Stortinget blant anna ei rask nyskaffing av fire C-130J taktiske transportfly.
– Ei rask nyskaffing vil gje oss ein operativ transportflykapasitet allereie frå hausten 2009, seier forsvarsminister Anne-Grete Strøm-Erichsen. – Forsvaret har eit stort behov for fleksibel og sikker transportflykapasitet, spesielt i Afghanistan. C-130J er eit kosteffektivt fly med større kapasitet og betre eigenskapar enn dagens C-130H.
Regjeringa foreslår også to nye eigedoms-, byggje- og anleggsprosjekt. Dette er fleirbrukshall ved Setermoen garnison og forlegningar i Rena leir. Regjeringa foreslår også at eit nytt materiellprosjekt for nyskaffing av nye sjømålsmissil blir godkjend. Regjeringa vil også endre kostnadsramma for nye lokale for redningshelikoptertenesta i Bodø, og foreslår å auke kostnadsramma for fregatt- og MTB-prosjekta for å etablere satellittkommunikasjon.