Statsrekneskapen for 2012 lagt fram

Det oljekorrigerte underskotet i statsrekneskapen for 2012 vart 101 milliardar kroner. Kapitalen i Statens pensjonsfond auka i 2012 med 532 milliardar kroner. Det syner statsrekneskapen som vart lagt fram i dag.

Statsrekneskapen syner at det oljekorrigerte underskotet vart 3,7 milliardar kroner mindre enn lagt til grunn i nysaldert budsjett, jf. tabell 2 og 4. Tek ein omsyn til fullmaktene departementa har til å bruka meirinntekter til auka utgifter, kjem nedgangen i underskotet av at andre utgifter vart lågare enn venta. Inntektssida medrekna skatter og avgifter frå Fastlands-Noreg vart om lag uendra.

Det oljekorrigerte underskotet vart 19 milliardar kroner lågare enn i det salderte budsjettet som vart vedteke hausten 2011. Over halvparten kjem av lågare utgifter enn då lagt til grunn. På inntektssida vart skatte- og avgiftsinntektene 7 milliardar kroner høgare enn lagt til grunn. Desse vart justert opp i samband med Revidert nasjonalbudsjett og har vore om lag uendra etter det. Det vil alltid vera uvisse knytt til framskrivingar av budsjettal og andre makroøkonomiske tal, og endringane i 2012 skil seg ikkje frå det som har vore normale avvik.

Målt ved det strukturelle, oljekorrigerte underskotet er bruken av petroleumsinntekter i 2012 no rekna til 105,1 milliardar kroner eller 3,2 prosent av Statens pensjonsfond utland (SPU), jf. tabell 1.

Det meste av auken i kapitalen i Statens pensjonsfond er knytt til Statens pensjonsfond utland som ved utgangen av 2012 er bokført i kapitalrekneskapen med 3825 milliardar kroner. Samla verdi av Statens pensjonsfond Noreg (SPN) var 145 milliardar kroner, jf. tabell 3.

 

Tabell 1 Nøkkeltall 2012-budsjettet (mrd. kroner)	Saldert­ budsjett	Nysaldert budsjett	Rekneskap
A) Oljekorrigert underskot	120,2	104,6	100,9
B) Strukturelt underskot	122,2	109,2	105,1
C) Forventa realavkastning (4 prosent)	124,6	132,3	132,3
D) Avstand til 4 pst.-banen (B-C)	-2,4	-23,1	-27,2
E) Strukturelt underskot i prosent av fondskapitalen i SPU	3,9	3,3	3,2
F) Reell underliggjande utgiftsvekst (prosent)	2,1	2,3	1,8
G) Overskot på statsbudsjettet utan lånetransaksjonar	0,0	0,0	3,7
H) Overskot i Statens pensjonsfond	345,7	388,7	406,3
I) Overskot på statsbudsjettet og i Statens pensjonsfond	345,7	388,7	409,9

 

 

Tabell 2 Endring i det oljekorrigerte underskotet 2012 (mrd. kroner)	Frå saldert til regnskap	Frå nysaldert til regnskap
Betring av underskotet	19,3	3,7
Netto inntektsendringar	8,8	3,3
Av dette: Skattar og avgifter	7,0	-0,5
Inntekt av forvaltningsbedriftene	0,2	0,3
Renteinntekt og utbytte utan Statoil	-3,9	0,1
Meirinntekter som heimlar meirutgifter		3,4
Andre inntekter under departementa	5,6	0,0
Netto utgiftsendringer	-10,5	-0,3
Av dette: Dagpengar	-1,5	0,1
Renteutgifter	-2,1	0,0
Utgifter heimla i meirinntekter		3,4
Andre utgiftsendringer (netto)	-6,9	-3,8

 

 

 

 

Tabell 3 Statens pensjonsfond 2012 (mrd. kroner)	Statens pensjonsfond utland	Statens pensjonsfond Noreg	Samla
Netto kontantstraum frå petroleum	395,5
Overført til statsbudsjettet	104,6
Renter og utbytte i fondet	109,7	5,7
Overskot	400,6	5,7	406,2
Kapital per 1.1.2012	3 307,9	129,5	3 437,4
Overskot	400,6	5,7
Valutakursregulering	-219,6	-
Realiserte/urealiserte vinstar/tap	335,6	10,0
Kapital per 31.12.2012	3 824,5	145,1	3 969,6
Endring i samla verdi på fondskapitalen	516,6	15,6	532,2

 

 

 

 

Tabell 4 Rekneskap, saldert og nysaldert budsjett (tal i mill. kroner)		Saldert budsjett 2012	Nysaldert budsjett 2012	Rekneskap 2012
1.	Statsbudsjettet
A	Inntekter i alt	1 237 501	1 276 789	1 290 729
A.1	Inntekter frå petroleumsverksemda	376 693	410 492	421 093
A.2	Inntekter utanom petroleumsverksemda	860 808	866 297	869 636
B	Utgifter i alt	1 006 058	996 849	996 144
B.1	Utgifter til petroleumsverksemda	25 002	26 002	25 610
B.2	Utgifter utanom petroleumsverksemda	981 055	970 847	970 534
	Oljekorrigert overskot i statsbudsjettet (A.2-B.2)	-120 247	-104 550	-100 898
+	Overført frå Statens pensjonsfond utland	120 247	104 550	104 550
=	Overskot i statsbudsjettet før lånetransaksjonar	0	0	3 652
2.	Statens pensjonsfond
	Netto kontantstraum frå petroleumsverksemda i statsbudsjettet (A.1-B.1), vert overført til Statens pensjonsfond utland	351 691	384 490	395 483
-	Overført frå Statens pensjonsfond utland til statsbudsjettet	120 247	104 550	104 550
+	Renteinntekter og utbyte i fondet	114 300	108 800	115 307
=	Overskot i Statens pensjonsfond	345 743	388 739	406 240
3.	Statsbudsjettet og Statens pensjonsfond Samla overskot	345 743	388 739	409 892