Fiskeri- og kystministeren til ”World Food Exhibition” i Moskva
Historisk arkiv
Publisert under: Regjeringen Stoltenberg II
Utgjevar: Fiskeri- og kystdepartementet
Pressemelding | Nr: 68/2008 | Dato: 16.09.2008
Fiskeri- og kystminister Helga Pedersen reiser til Moskva 23.-25. september. Ho skal besøkje matvaremessa ”World Food Exhibition” og ho skal under opphaldet ha politiske samtalar med blant anna leiaren i den statlege russiske fiskerikomiteen, Andrej Krajnij.
Fiskeri- og kystminister Helga Pedersen reiser til Moskva 23.-25. september. Ho skal besøkje matvaremessa ”World Food Exhibition” og ho skal under opphaldet ha politiske samtalar med blant anna leiaren i den statlege russiske fiskerikomiteen, Andrej Krajnij.
”World Food Exhibition” er ei av dei største matvaremessene i Russland. Dei seinare åra har Russland utvikla seg til å bli den nest største eksportmarknaden for norsk fisk. Laks, sild og makrell er dei viktigaste fiskeslaga Noreg eksporterer til den russiske marknaden.
Noreg har vore representert på matvaremessa i Moskva sidan 1995. I tillegg til å besøkje messa skal statsråd Helga Pedersen ha politiske samtalar om fiskeriforvaltning, samhandel og transport. Ho vil også møte representantar for russisk og norsk fiskerinæring på ei offisiell mottaking i den norske ambassaden i Moskva onsdag 24. september.
Kontaktperson: Avdelingsdirektør Elisabeth Wilmann,
tlf. 22 24 64 77, mobil 412 33 014