NTP: 2,7 milliardar til fiskerihamner
Historisk arkiv
Publisert under: Regjeringen Stoltenberg II
Utgjevar: Fiskeri- og kystdepartementet
Pressemelding | Nr: 36/2013 | Dato: 12.04.2013
Regjeringa har sett av 2,7 milliardar kroner i Nasjonal transportplan 2014-2023 til fiskerihamner og tilskot til kommunale fiskerihamneanlegg.
Regjeringa har sett av 2,7 milliardar kroner i Nasjonal transportplan 2014-2023 til fiskerihamner og tilskot til kommunale fiskerihamneanlegg.
-Fiskefartøya blir stadig større, og klimaendringar kan gi meir ekstremver. Utbygging av fiskerihamnene er med og gjer det enklare for fiskarane og for foredlingsindustrien på land, seier fiskeri- og kystminister Lisbeth Berg-Hansen.
Tiltaka det er sett av pengar til i Nasjonal transportplan gjeld i hovudsak utdjuping av innseglingar og område inne i hamnene, dessutan molobygging og moloforsterking.