Det blir ei todelt ordning der både fartøy- og mottakssida kan få tilskot etter bestemte vilkår. Opplegget har som mål å medverke til at næringa kan drivast så effektivt og lønnsamt som råd er. Fiskeridirektoratet vil administrere ordninga og er ansvarleg for utbetaling av tilskota.

Det er også fastsett forskrift om deltaking og regulering av fangst av sel i Vestisen og Austisen i 2013. Forskrifta fører vidare regelverket frå i fjor, med høve til å fange 25 000 eitt år og eldre grønlandssel i Vestisen og 7000 eitt år og eldre grønlandssel i Austisen. Fangstperioden er fastsett til 10. april – 30. juni.