Helse- og omsorgsministeren besøkjer Østfold og Oslo 15. mai

Statsråden besøkjer Sarpsborg, Halden, Fredrikstad og Moss i Østfold og Sognsvann i Oslo. Han har følgjande program for dagen:

Sarpsborg
08.00-08.30

Støre et skulefrukost med elevane på Grålum ungdomsskole. Skulen tilbyr gratis frukost til alle elevane kvar dag klokka 08.00-08.25 i kantina. Grålum har omlag 350 elevar, og mellom 50-60 elevar brukar å ete frukost på skulen.

Stad: Grålum ungdomsskole, Haraldstadveien 13, Grålum

09.00-10.15
Støre held innlegg om førebygging og folkehelse på Glava Tour- konferansen. Dette er ein konferanse i forkant av sykkelrittet Glava Tour of Norway, med fokus på fysisk aktivitet og helse. Andre deltakarar på konferansen er Edvald Boasson Hagen, Johan Kaggestad og Marit Bjørgen.

Stad: Quality hotell Sarpsborg, Bjørnstadveien 20

Halden
11.00-11.45

Støre besøkjer ein brukar med BPA (brukarstyrt personleg assistanse) som bur på Nytorp gård i Halden kommune. Han driv gardsbutikk, har høner, geiter og sauer, samt ei aktivitetsløype som også andre utviklingshemja brukar. Brukaren gir omvising på garden og vi får eit innblikk i arbeidskvardagen hans. Ved hjelp av BPA kunne brukaren flytte frå ein kommunal omsorgsbolig til Nytorp gård. I dag har han ein meiningsfull kvardag, fordi ordninga med assistentar fungerer for han.

Stad: Nytorp gård, Tistedal

Fredrikstad
13.30-14.15

Støre besøkjer Fredrikstad korttidssenter (tidlegare Borge sykehjem). Fredrikstad kommune ligg langt framme i arbeidet med samhandlingsreforma. Fredrikstad korttidssenter tek imot utskrivingsklare pasientar frå sjukehuset og har også fem senger for øyeblikkeleg hjelp. Støre møter tilsette og pasientar på korttidssenteret. Han vil også bli orientert om status for samhandlingsreforma, med vekt på samarbeidet mellom Fredrikstad kommune og Sykehuset Østfold.

Stad: Fredrikstad korttidssenter (tidl. Borge sykehjem), Roald Amundsensvei 70

Moss
15.00-15.30

Arrangement i regi av Arbeiderpartiet.

Oslo
16.45-17.15

Støre avsluttar dagen på Sognsvann i Oslo. Han deltek på ei markering der Den Norske Turistforening (DNT) og nettverksorganisasjonen Sunne Kommuner inngår partnarskapsavtale for å fremje folkehelsa i Norge. Kristin Krohn Devold (generalsekretær DNT) og Stanley Wirak (styreleiar Sunne kommuner) signerer avtalen. Mobilisering for folkehelse og samarbeid med frivillige er sentrale tema i folkehelsemeldinga som Støre la fram i april.

Stad: Sognsvann v/bommen

Pressa er velkomen til å delta.