Demonstrasjonsbarnehagar skal gi meir likestilling
Historisk arkiv
Publisert under: Regjeringen Stoltenberg II
Utgiver: Kunnskapsdepartementet
Pressemelding | Nr: 06-09 | Dato: 26.01.2009
Kunnskapsdepartementet har i dag valt ut dei første 12 demonstrasjonsbarnehagane for arbeidet deira med å rekruttere menn. Dei 12 institusjonane skal vere eit førebilete for andre barnehagar.
Kunnskapsdepartementet har i dag valt ut dei første 12 demonstrasjonsbarnehagane for arbeidet deira med å rekruttere menn. Dei 12 institusjonane skal vere eit førebilete for andre barnehagar.
– Desse 12 barnehagane har gjort ein stor innsats for å rekruttere menn. Eg vonar dei kan inspirere andre til å arbeide meir for at menn oftare blir å finne som tilsette i barnehagane, seier kunnskapsminister Bård Vegar Solhjell.
I handlingsplanen for likestilling i barnehage og grunnopplæring 2008-2010, har regjeringa eit mål om at 20 prosent av dei barnehagetilsette skal vere menn. Eit av dei viktigaste tiltaka for å inspirere til å nå dette målet er å peike ut demonstrasjonsbarnehagar. Barnehagane som er valde ut, har arbeidd aktivt og har nådd målet om at 20 prosent av dei tilsette er menn.
Departementet har i fleire år funne fram til demonstrasjonsskular som har vore viktige for andre skular som ønskjer å gjere seg nytte av den kunnskapen og dei erfaringane som demonstrasjonsskulane kan vise til. Departementet har som mål at demonstrasjonsbarnehagane kan fungerer på same positive måten.
Demonstrasjonsbarnehagane vil i to år ta i mot 50 000 kroner i statlege midlar, som gjer at dei har plikt på seg til å informere og rettleie andre barnehagar om rekruttering av menn, og om korleis ein kan halde på dei mennene som har fått stilling i barnehagane. I tillegg skal midlane nyttast til å utvikle vidare eige arbeid med likestilling i demonstrasjonsbarnehagane.
I 2007 var det tilsett i overkant av 7 000 menn i barnehagane, dvs. 9,2 pst av alle tilsette.
Dess barnehagane er i dag peikte ut til demonstrasjonsbarnehagar for 2009-2010:
Valhall barnehage Porsgrunn kommune Telemark
Skattekista barnehage Larvik kommune Vestfold
Reier barnehage Moss kommune Østfold
Tørtberg Kanvas-barnehage Oslo kommune Oslo
Eidsvågneset barnehage Bergen kommune Hordaland
Vatnekrossen barnehage AS Sandnes kommune Rogaland
Hokus Pokus barnehage Kristiansand kommune Vest-Agder
Eplehagen barnehage Kristiansand kommune Vest-Agder
Guldbergaunet Førskole AS Steinkjer kommune Nord-Trøndelag
Monssveen barnehage Gjøvik kommune Oppland
Prestelva barnehage Sortland kommune Nordland
Tusseladden Friluftsbarnehage Tromsø kommune Troms