Kultur- og kyrkjedepartementet gjer framlegg om at løyvinga til momskompensasjon til frivillige organisasjonar blir auka med 3,7 millionar kroner.

Framlegget kjem i samband med proposisjonen om endringar i statsbudsjettet for 2007.

- Auken er ein konsekvens av at det i år er 24 fleire søkjarar enn i 2006 som fyller vilkåra for å få kompensasjon. Den opphavlege løyvinga for i år gir ikkje rom for full kompensasjon. For at alle skal få full  kompensasjon, er det behov for å auke løyvinga i 2007 med 3,7 millionar kroner, seier statsråd Trond Giske.   

Det endelege kompensasjonsbeløpet er elles avhengig av resultatet av klagebehandlinga som enno ikkje er avslutta.