Kultur- og kyrkjedepartementet har oppnemnd Stein Devik som ny styreleiar for Sørlandets Kunstmuseum.

Devik har tidlegare vore styreleiar i KOFO, formann i styret for RAM Galleri og styremedlem i Galleri Format, Husfliden på Lillehammer og Kunsthøgskolen i Oslo. Han er siviløkonom og partnar i konsulentselskapet Habberstad AS. Devik er oppnemnd for ein periode på fire år.

Jan Hannestad er oppnemnd som personleg vararepresentant i styret. Hannestad har tidlegare vore styreleiar i Norsk Form. Han er bedriftsrådgiver/partnar i Akas A/S i Arendal.