Kultur- og kyrkjedepartementet har oppnemnt nytt styre for ABM-utvikling Statens senter for arkiv, bibliotek og museum.

ABM-utvikling blir leidd av eit styre på åtte medlemmer som blir oppnemnde av Kultur- og kyrkjedepartementet. To av medlemmene blir oppnemnde etter framlegg frå  Kunnskapsdepartementet (KD), ein etter framlegg frå Miljøverndepartementet (MD) og to medlemmer med varamedlemmer blir oppnemnde etter framlegg frå dei tilsette i ABM-utvikling. Det nye styret har funksjonstid fram til 31. desember 2011 og har følgjande samansetjing:

Styreleiar:
Direktør i Noregs Bank Kari Gjesteby

Medlemmer:
Ekspedisjonssjef i Fiskeridepartementet Arne Benjaminsen

Direktør for Kunstmusea i Bergen Anniken Thue

Bibliotekdirektør ved Universitetet i Oslo Bente Andreassen, etter framlegg frå KD

Generalsekretær i Universitets- og høgskolerådet Ola Stave, etter framlegg frå KD 

Seksjonssjef ved Kulturhistorisk museum i Oslo Karl Kallhovd, etter framlegg frå MD

Avdelingsdirektør i ABM-utvikling Tone Moseid

Seniorrådgjevar i ABM-utvikling Ranveig Gausdal

Varamedlemmer:

Seniorrådgjevar i ABM-utvikling Espen Hernes er personleg varamedlem for Moseid

Seniorrådgjevar i ABM-utvikling Jens Vindvad er personleg varamedlem for Gausdal.