Ettertildeling av statens stipend for eldre fortente kunstnarar

Utvalet for statens stipend og garantiinntekter for kunstnarar har på vegner av Kultur- og kyrkjedepartementet tildelt ni nye stipend til eldre fortente kunstnarar. Stipendet er på 20 000 kroner pr. år. For 2009 vil dei ni nye stipendiatane motta 10 000 kroner kvar.

Dei nye stipendiatane er folkekunstnar Olga Marie Breivik, folkemusikar Hauk Buen, sceneinstruktør, dramaturg, skribent og omsetjar Per E. Fosser, scenograf Per Horn, komponist Ketil Hvoslef, forfattar Jon Michelet, biletkunstnar Hans Otto Minge, komponist og forfattar Bjørn Rønningen og skodespelar Helga Wendelborg.

Ordninga omfattar 281 kunstnarar.