Utlysing av menneskerettspris for journalistar
Historisk arkiv
Publisert under: Regjeringen Stoltenberg II
Utgjevar: Kultur- og kirkedepartementet
Artikkel | Sist oppdatert: 25.11.2013
Kultur- og kyrkjedepartementet lyser ut menneskerettsprisen for journalistar. Prisen skal delast ut til ein journalist som i spesiell grad set søkjelys på aktuelle menneskerettsspørsmål i Noreg. Formålet med prisen er å inspirere til undersøkjande journalistikk om menneskerettsspørsmål og å bidra til at det kan avdekkjast brot på menneskerettane. Fristen for å melde inn kandidatar er 1. oktober 2009.
Kultur- og kyrkjedepartementet lyser ut menneskerettsprisen for journalistar. Prisen skal delast ut til ein journalist som i spesiell grad set søkjelys på aktuelle menneskerettsspørsmål i Noreg. Formålet med prisen er å inspirere til undersøkjande journalistikk om menneskerettsspørsmål og å bidra til at det kan avdekkjast brot på menneskerettane.
Prisen består av ei pengegåve på 100 000 kroner og ein litografi, utført av kunstnaren Håkon Bleken.
Prisen blir delt ut ved opninga av Nordiske mediedagar 5. mai 2010 i Bergen. Fristen for å melde inn kandidatar er 1. oktober 2009. Forslag om aktuelle kandidatar kan sendast på e-post til Jan Erik Andersen i Medietilsynet - jan.erik.andersen@medietilsynet.no som også kan gi meir informasjon om prisen.