Kommunal- og regionalminister Magnhild Meltveit Kleppa stør Tingvoll kommune med 1.5 millionar kroner til eit nyskapande utviklingsarbeid med utgangspunkt i den rike miljø og kulturarven i Tingvoll. Statsråden signaliserer at ho ønskjer å støtte prosjektet også i 2009. 

- Tingvoll har ein unik regional posisjon som kultur- og kunnskapssenter. Dei har gjennom mange år profilert seg som økokommune. Eg er no glad for at vi har høve til å støtte dette prosjektet, seier Statsråd Magnhild Meltveit Kleppa.

Prosjektet i Tingvoll skal ut frå et sterkt frivillig engasjement og eksisterande kompetansemiljø skape varierte former for miljø- og kulturbasert næringsutvikling.  Det skal utviklast varige kompetansearbeidsplassar med utgangspunkt i økologisk satsing, formidling og fleirkulturell forståing. 

Tingvoll kommune ønskjer å realisere 3 store delprosjekt;

  1. Etablere eit økologisk kunnskaps- og opplevingssenter på Bioforsk Økologisk
  2. Etablere et Midtnorsk folkemusikksenter på Åkerfallet
  3. Etablere ”Tingvollen” – et internasjonalt kunnskapssenter for lokaldemokrati, miljø og fleirkulturell forståing, i samarbeid med Tingvoll kyrkje

Vi har store forventningar til kva Tingvoll kan utrette i dette framtidsretta prosjektarbeidet, seier statsråden.

- Vi er no i gang med å peike ut nye pilotprosjekt i den nasjonale småsamfunnsatsinga. Vi har lova å bruke 100 millionar kroner i heile stortingsperioden. Med dei pengane som er sett av for 2008, har vi allereie sett av 107.5 millionar kroner, så her leverer  regjeringa meir enn lova, seier statsråden.