Historisk arkiv

Forvaltningsreforma blir gjennomført 1. januar 2010

Historisk arkiv

Publisert under: Regjeringen Stoltenberg II

Utgjevar: Kommunal- og regionaldepartementet

Frå årsskiftet blir forvaltningsreforma gjennomført. Dette inneber at fylkeskommunane og Oslo kommune får ansvar for ei rad nye oppgåver og funksjonar.

Frå årsskiftet blir forvaltningsreforma gjennomført. Dette inneber at fylkeskommunane og Oslo kommune får ansvar for ei rad nye oppgåver og funksjonar.

- Det er dei folkevalde regionalt som får overordna ansvar for dei nye oppgåvene. Derfor er dette ei demokratireform, seier kommunal- og regionalminister Liv Signe Navarsete.

- Eg forventar at dei folkevalde på regionalt nivå løyser oppgåvene slik at reforma gjev meirverde for samfunnet, seier Navarsete.

Den største einskildoppgåva er at fylkeskommunane tek over av ansvaret for store delar av riksvegnettet med tilhøyrande ferjestrekningar. Til saman 7075,8 millionar  kroner til veg, medrekna  1372,4 millionar kroner til ferjesamband, blir overført frå nyttår.

- Fylkeskommunane blir no den viktigaste offentlege aktøren for verdiskaping og etablering av arbeidsplassar i dei ulike landsdelane, seier Liv Signe Navarsete.
Dei oppgåvene som fylkeskommunane får ansvaret for, er ulike. Nokre er reine forvaltningsoppgåver, medan fleire av dei inneber samordning av viktige funksjonar i offentleg sektor.  Fylkeskommunane vil også få ei ny eigarrolle ved at dei til saman skal ha ein eigardel på 49 prosent av Innovasjon Noreg.

Kort oppsummert er dette dei nye oppgåvene/funksjonane:

  • samarbeid gjennom sju nyoppretta forskingsfond med ein fondskapital på seks milliardar kroner.
  • lovfesta ansvar for arbeid med mellom anna koordinering av arbeidet med folkehelse i fylket
  • overta rettar og plikter ved omklassifisering av store delar av det øvrige riksvegnettet med tilhøyrande ferjestrekningar
  • overta drifts- og finansieringsansvaret for fagskulane, mellom anna ved å gje tilskot til dei som er drivne i privat regi
  • overta regionalt ansvar for ålment friluftsliv og  forvalting av visse viltartar og innlandsfisk
  • utvalde fylkeskommunar overtek rolla som vassregionstyresmakt
  • overta ansvaret for verkemiddel knytt til rekruttering, kompetanseheving og likestilling i landbruket
  • overta mynde til å avgjere søknader etter akvakulturlova og visse andre oppgåver på marin sektor
  • få mynde til å treffe vedtak i konsesjonssaker om mini- og mikrokraftverk inntil 1 MW
  • få ansvar for å fordele spelemidlar til kulturbygg etter kvart som midlane vert fristilte frå pågåande prosjekt.

Kommunal- og regionaldepartementet sin pressetelefon: 22 24 25 00.