Fire nye næringsklyngjer får status som Arenaprosjekt

Fire nye regionale næringsklyngjer får i dag status som Arenaprosjekt av Kommunal- og regionaldepartementet og Nærings- og handelsdepartementet, som et ledd i regjeringa si satsing på å utvikle norsk næringsliv.

Dei fire prosjekta er:

• Arena Magica, Østfold
• Helse i Valdres
• Arena Usus, Agder
• Frukt- og bærklyngje, Sogn og Fjordane.

- Noreg treng fleire bein å stå på i framtida. Me er avhengige av fleire nyskapande næringar. Regjeringa vil difor halde fram arbeidet med å leggje til rette for utvikling av sterke regionale næringsklyngjer. Dei fire nye Arenaprosjekta er alle spanande og nyskapande klyngjer, med stort potensial for vidare vekst og utvikling, seier statssekretær i Kommunal- og regionaldepartementet, Hege Solbakken.

Den statlege finanseringsramma til Arenaprogrammet er i 2010 på 40 millionar kroner. For kvar klyngje utgjer dette omkring to millionar kroner i årleg støtte.

- I den globale konkurransen står bedriftene ofte sterkare når dei står saman i nettverk, noko Arenaprogrammet utvilsamt kan bidra til, seier statssekretær Halvard Ingebrigtsen i Nærings- og handelsdepartementet.

Dei nye Arenaprosjekta:

Arena Usus
14 bedrifter innan kultur- og opplevingssektoren i Agderregionen skal samarbeide endå tettare om å utvikle fleire store attraksjonar (produkt) på Sørlandet for å sikre kjøp av fleire opplevingar og  få fleire turistar til regionen.

Helse i Valdres
Næringsklyngja Helse i Valdres er eit målretta og forpliktande nettverkssamarbeid mellom helse- og rehabiliteringsbedrifter og reiselivsaktørar i Valdres, samt eksterne kompetanseaktørar. Saman skal dei utvikle Valdres til å bli leiande i Norden innan behandling, rehabilitering og helseturisme.

Arena Magica
30 næringsaktørar innan musikk & scene og film & media, forskingsaktørar og det offentlege skal samarbeide tettare om å vidareutvikle kommersiell audiovisuell kulturnæring i Østfold. Klyngja skal utvikle kompetanse og kapasitet for å trekkje til seg investeringskapital og større produksjonar.

Frukt og bærklyngje
9 frukt- og bærmottak, 3 foredlingsanlegg/industri og 2 teknologileverandørar i regionen har eit felles mål om å auke produksjonen med 25 % i løpet av prosjektperioden. Dette skal gjerast gjennom forpliktande samarbeid i utvikling og marknadsføring av nye og sunne frukt- og bær produkt.

Kontaktar:

• Kommunal- og regionaldepartementet sin pressetelefon: 22 24 25 00
• Nærings- og handelsdepartementet sin pressetelefon: 90 25 13 03.

 

• Arena Magica: Trine Moe Stokstad, telefon 91 51 23 83
• Helse i Valdres: Svein E Pettersen, telefon  90 75 76 14
• Arena Usus: Kirsti Mathiesen Hjemdahl, telefon: 95 49 5930
• Frukt- og bærklyngje: Stein Harald Hjeltnes, telefon 95734576.

Innovasjon Norge: www.arenaprogrammet.no

Arena Ursus – Agder; Eigil Rian, Kirsti Mathiesen Hjemdahl, Heidi Sørvig. Arena Magica Østfold; Håkon Johnsen, Ann Kristin Glenster og Trine Moe Stokstad. Helse i Valdres; Svein Pettersen og Arena Frukt og bær; Stein Harald Hjeltnes, Ivar Petter Grøtte og Jan Petter Vadheim.