Forsøksordninga med gratis ferje på sambanda Daløy-Haldorsneset i Sogn og Fjordane og Grytøy, Sandsøy, Bjarkøy i Troms held fram i 2012.
 
- Forsøksordninga er ein del av det distriktspolitiske arbeidet. Allereie det fyrste året har talet på passasjerar auka med 30 prosent på sambandet i Troms, og 11 prosent på sambandet i Sogn og Fjordane. Me ser og trafikkvekst i første halvdel av 2011, seier kommunal- og regionalminister Liv Signe Navarsete.

- Dette er gledelege tal, seier Navarsete. Formålet med forsøket er å få fram betre kunnskap om kva konsekvensar gratisferje har å seie for både næringsliv og innbyggjarar i små øysamfunn.

Forsøket vil vare til og med fyrste kvartal 2013. Forsøksordninga vil bli evaluert gjennom å studere før- og ettersituasjonen med omsyn til busetjingsutvikling, utviklinga i talet på kundar i lokale butikkar og hjå lokale serviceverksemder med vidare.

Kommunal- og regionaldepartementet sin pressetelefon: 22 24 25 00