Tilskotsordning for arrangørar vert styrka med 5 millionar kroner

I tillegg til at Regjeringa foreslår å auke løyvinga til arrangørstøtteordninga skal ho no gjelde for alle sjangrar, også samtidsmusikk og klassisk musikk.

Av løyvinga på 5 millionar kroner er 3 millionar omdisponert frå Rikskonsertane si offentlege konsertverksemd. 5 millionar kroner i styrking inneber at arrangørstøtteordninga blir styrka med 42 prosent i forhold til i fjor.

Regjeringa ønskjer i større grad å desentralisere programmeringa av offentlege konsertar ved at ein større del av midlane blir kanalisert direkte til konsertarrangørar.