Kulturlandskap: For første gang er jordbrukets kulturlandskap i heile Norge kartlagt. Til saman utgjer arealet snaut ni prosent av landets totalareal. Nå skal det veljast ut 20 landskap som skal få særskilt forvaltning.  

Litt større enn Hedmark
Jordbrukets kulturlandskap utgjorde i 2007 rundt 29 000 km2, eit areal litt større enn Hedmark fylke. Sjølve jordbruksarealet utgjorde berre 38 prosent av dette landskapet. Dette fordi den dyrka marka i Norge ligg spreidd, med mykje anna areal innimellom. Dette gir variasjon i landskapet, men fører også til at landskapet er sårbart for endringer som ikkje berre har med landbrukspolitikken å gjere. 
 
Framlegg om 20 landskap
Miljøverndepartementet og Landbruks- og matdepartementet har bede Statens landbruksforvaltning, Direktoratet for naturforvaltning og Riksantikvaren (etatane) gjere framlegg om 20 landskap som skal få særskilt forvaltning innan 2010.  Kvart fylke er invitert til å kome med framlegg om  2-3 område.  Det er meininga at alle fylke skal få med eitt område. Det er føresetnaden at områda i sum skal utgjere eit representativt utval av område frå heile landet.
 
Utsyn gir innsyn
- Dette initiativet  krev samspel mellom mange aktør a r, som grunneigarar, kommune, fylke og stat. Det vil gi felles eigarskap til dei landskapa som blir valt ut og vise den samfunnsmessige verdien av landbrukets kulturlandskap , seier landbruks- og matminister Terje Riis-Johansen. - Eit aktivt landbruk er føresetnaden for å ta vare på viktige miljøverdiar. Det levande landbruket gir utsyn gjennom aktivt bruk og stell av  landskapet, og det legg grunnlaget for innsyn i viktige miljøverdiar og  medverkar til at desse blir tekne vare på, understrekar Riis-Johansen.

Fylka har ein mellombels frist 15. april å kome med forslag, og endeleg frist for å foreslå område er 8. september. Etatane skal sende framlegg til område til departementa 1. oktober 2008.

Møtepunktet mellom natur og kultur
Kulturlandskapet er møtepunktet mellom natur og kultur. Jordbrukets kulturlandskap er i utgangpunktet e i t produksjonslandskap , men kan også ha mange verdiar utover sjølve matproduksjonen, som til dømes natur, gamal kunnskap, kultur og estetikk.
 
Skog og landskap (Norsk institutt for skog og landskap) er et nasjonalt institutt for kunnskap om arealressurser, og er organisert under Landbruks- og matdepartementet.

Statens landbruksforvaltning (SLF) skal ivareta direktoratsoppgåver for Landbruks- og matdepartementet (LMD). SLF er fagmyndigheit som sikrar ei einskapleg forvaltning av virkemidlar i hele landet og gjennom hele verdikjeda.
 
Kulturlandskap: For første gang er jordbrukets kulturlandskap i heile Norge kartlagt. Nå skal det veljast ut 20 landskap som skal få særskilt forvaltning.