Økologisk: Stadig fleire fruktbønder i Hordaland fattar interesse for økologisk produksjon. Betre økonomi er den viktigaste "gulrota" for dei fleste.

På den økologiske fagdagen i Hardanger fredag 23. mai fekk dei frammøtte høyre både om økonomiske og faglege sider ved økologisk fruktdyrking.

Økonomisk gunstig
Økologisk produksjon er meir økonomisk gunstig for produsentane, fordi produkta er betre betalte enn dei konvensjonelle. Prisen på økologiske presseple kan konkurrere med prisen på konvensjonell vare til friskkonsum. Innovasjon Norge tilbyr opptil 50 prosent tilskot til etablering av økologiske fruktfelt.

Økologisk mål
Regjeringa har som mål at 15 prosent av matproduksjonen og matforbruket i 2015 skal vera økologisk. Vidare seier regjeringsfråsegna at Noreg heng etter andre land når det gjeld å gjera økologiske varer tilgjengelege for forbrukarane, og at regjeringa vil styrkja dette området. Regjeringa ynskjer at det offentlege går føre som ansvarleg forbrukar og etterspør miljøvenlege varer og varer som er tilverka med høge etiske og sosiale standardar.

Delen økologisk areal av totalt jordbruksareal var 4,7 prosent ved utgangen av 2007.

Økologisk: Stadig fleire fruktbønder i Hordaland fattar interesse for økologisk produksjon.