Jordbruk: Det er optimisme og framgang i geitehaldet. Nye geitebønder har kome til, og kvaliteten på mjølka har blitt betre. Kvotene for geitmjølk blir uendra i 2010.

- Med midlar over jordbruksavtalen har det dei siste åra blitt gjennomført ei sterk satsing på å utvikle og styrke geitehaldet. Dette har skapt optimisme i næringa.  Eg er svært tilfreds med dei gode resultata vi nå ser av det målmedvetne arbeidet som er gjort i geitehaldet dei siste åra, seier landbruks- og matminister Lars Peder Brekk.

Etter drøftingar med Norges Bondelag og Norsk Bonde- og Småbrukarlag har Landbruks- og matdepartementet i dag fastsett  at kvotene for geitmjølk blir uendra for 2010.

     Jordbruk: Det er optimisme og framgang i geitehaldet.
Jordbruk: Det er optimisme og framgang i geitehaldet. Foto: LMD
 

Sidan 2001 er prosjektet ”Friskere geiter” gjennomført. Dette har gitt betre kvalitet på mjølka og auka avdrått. Produktiviteten og innteninga har auka. Fleire produsentar har nå også kjøpt kvote. På denne bakgrunnen er partane samde om at det er viktig å leggje til rette for å oppretthalde omfanget av produksjonen av geitmjølk.

Marknadsbalanse
I møte mellom partane i dag gjorde Tine greie for marknadssituasjonen i inneverande kvoteår og prognosane for innvege mjølkemengde og behov i 2010. Tine sin trong for geitmelk blir anslått til å kunne bli lågare for 2010 enn for i år, i hovudsak på grunn av mindre sal av brunost og mindre eksport av produkt av geitmjølk. Tine tar ansvar for å halde oppe marknadsbalansen, og vil derfor satse sterkare på sal og marknadsføring av desse produkta. 

Jordbruk: Det er optimisme og framgang i geitehaldet. Nye geitebønder har kome til, og kvaliteten på mjølka har blitt betre.

Forsidebilde: Bjørn Rørslett, Samfoto