I skuggen av dei kommersielt dyrka veksthustomatane finst det ein rik underskog av tomatsortar som passar hobbygartnarar og nisjeprodusentar – og som kan vere interessante for økologisk produksjon. 

Om lag 20 tomatsortar har vore med i eit økologisk sortsforsøk i regi av Bioforsk Økologisk, med det føremålet å synleggjere mangfaldet for småskalprodusentar. Forsøket er gjort på sortar som er relativt nye i Noreg, og fleire av dei er såkalla villsortar eller gamle sortar, som blir dyrka for utsjånaden og smaken heller enn for størst mogleg avling. 

Småprodusentar treng andre sortar
I samband med prosjektet har det vore dyrka tomatar både på friland, i tunnel og veksthus. Sidan mange småskalaprodusentar ikkje har tilgang til veksthus, har det vore viktig å finne ut kva sortar som greier seg best på friland, men som venta var hausten betre i veksthus og i tunnel enn på friland. Få sortar rekk å bli innhaustingsklare i løpet av den korte norske vekstsesongen. 

I tillegg til å skaffe erfaringsgrunnlag for dyrking, er det gjort lagringsforsøk og smaksforsøk med dei økologiske sortane. Når det kjem til stykket, er det forbrukarane som avgjer kvor stort utval dei ønskjer.

Klasetomater
Om lag 20 tomatsortar har vore med i eit økologisk sortsforsøk i regi av Bioforsk Økologisk, med det føremålet å synleggjere mangfaldet for småskalprodusentar. (Foto: Jan Djenner / Samfoto)