Det økonomiske samarbeidet mellom Noreg og Russland omfattar stadig fleire sektorar. Første kvartal 2007 var norsk eksport til Russland over 40 prosent høgare enn i same periode i fjor. I 2006 var samhandelen på meir enn 15 milliardar kroner. Nærings- og handelsminister Dag Terje Andersen møtte denne veka Russlands kommunikasjonsminister Leonid Reiman.

Tysdag 22. mai var nærings- og handelsminister Dag Terje Andersen vert for den norsk-russiske regjeringskommisjonen for økonomisk, industrielt og teknisk-vitskapleg samarbeid.

Kommisjonen er det viktigaste bilaterale forum for økonomisk samarbeid mellom Noreg og Russland. På møtet vert det diskutert ei rekkje saker som rører ved det økonomiske samarbeidet med Russland, blant anna fiskeri, transport og energi.

Leonid Reiman og Dag Terje Andersen 

Leonid Reiman (t.v.) og Dag Terje Andersen etter møtet tysdag.