Noreg og Hellas ønskjer tettare samarbeid

Statssekretær Rikke Lind og økonomi - og skipsfartsminister Louka Katseli.

–Noreg og Hellas har felles interesser i å arbeide tettare saman, seier statssekretær Rikke Lind i Nærings- og handelsdepartementet. I formiddag møtte ho den greske økonomi- og skipsfartsministaren, Louka Katseli,  til samtalar i Athen.

– Det var eit positivt møte kor vi ble einige om å sjå nærare på muligheitene for konkret samarbeid, seier Lind.

Eit område er ønsket økt handel og økte investeringar mellom Hellas og Noreg – mellom anna ønskjer Hellas å eksportere fleire matvareprodukt til Noreg, som til dømes fetaost. 

Hellas og Noreg er leiande skipsfartsnasjoner i Europa. I møtet foreslo Lind eit tettare samarbeid mellom greske og norske maritime næringar.  Det gjeld mellom anna samarbeid for meir miljøvenleg skipsfart -  som til dømes gjennom meir bruk av LNG som drivstoff i nærskipsfarten.

– Det er viktig med felles initiativ. Særleg innanfor miljø, forsking og innovasjon kan vi samarbeide for å oppretthalde Europas leiande internasjonale posisjon innan skipsfart, seier Lind.