Statsministeren og statsrådane har normalt følgjande faste postar i sine vekeprogram: Regjeringskonferanse på statsministerens kontor måndag og torsdag kl 12.15, og  Statsrådets møte på Slottet fredag kl 11.00. Det kan bli endringar i programmet.


Tysdag 25. januar
Klokka 14.30 opnar olje- og energiminister Terje Riis-Johansen Gjøafeltet, som ligg i den nordlege Nordsjøen. Den offisielle opninga skjer hjå operatør GdF Suez på Vestre Svanholmen i Stavanger.

Arrangementet er ope for pressa.

Gjøafeltet ligg 60 kilometer vest for Florø. Dei utvinnbare reservane er 82 millionar fat olje og kondensat, og 40 milliardar kubikkmeter gass. Gjøa-plattforma er ei flytande innretning med fire installasjonar på havbotnen. Plattforma får kraft frå land, og har ei forventa levetid på minst 30 år.

Statsråden nyttar også høvet til å møte konserndirektøren for det franske operatørselskapet Gérard Mestrallet.

Pressekontakt for statsråden er kommunikasjonsrådgjevar Unni Claussen, tlf. 915 17 357.


Onsdag 26.januar
Olje- og energiminister Terje Riis-Johansen deltek under INTSOK sin konferanse i St.Petersburg, Russland. Statsråden held innlegg om Noreg sine planar for olje- og gassverksemda i nordområda.

Seinare på dagen møter han mellom anna representantar frå norsk leverandørindustri og Statoil.

Pressekontakt for statsråden er politisk rådgjevar Ivar Vigdenes, tlf. 93 03 21 54.