Stortingsmeldinga om Nasjonal transportplan 2010 - 2019 har tidlegare vore varsla lagt fram for Stortinget i januar 2009. I eit brev av 5. desember 2008 til Stortingets Presidenskap orienterer samferdselsminister Liv Signe Navarsete om at meldinga tidlegast kan bli lagt fram i slutten av februar 2009.

Mellom anna arbeid knytt til den nye ordninga med at store prosjekt skal ha kvalitetssikring i tidleg fase har tatt lengre tid enn venta. Dette er eit nytt element i planprosessen, og omfattar alle statlege investeringar over 500 millionar kroner, heiter det i brevet.