På oppdrag frå Samferdselsdepartementet har Vista Analyse utarbeidd rapporten ”Finansiering, effektivitet og styring – Alternative finansierings- og organisasjonsformer for transportinfrastruktur”.  Rapporten er eitt av fleire prosjekt innanfor departementet sitt Program for overordna transportforsking, POT. 

- Rapporten er eit viktig bidrag til vidare arbeid og offentleg ordskifte som gjeld  Nasjonal transportplan og ulike organisasjons- og finansieringsformer for infrastruktur. Både positive og negative sider ved ulike løysingar og ordningar  kjem fram i rapporten, og han legg såleis til ein meir nyansert debatt, seier samferdselsminister Magnhild Meltveit Kleppa.

- Internasjonale erfaringar er ikkje eintydige – biletet er meir samansett enn det ein stundom kan få inntrykk av ved å følgja  vårt heimlege ordskifte. Rapporten peikar på at alternative finansieringsformer – det vil seia utanom offentlege budsjett – er mykje brukte i land som sjølv har store underskott i statlege budsjett. I Noreg er vi i ein annan situasjon, vi har overskott.  Rapporten viser elles kor viktig det er med føreseieleg finansiering av vedtekne prosjekt. Dette gjeld for finansiering både innanfor og utanfor statsbudsjettet, seier samferdselsministeren.


Les rapporten: ”Finansiering, effektivitet og styring – Alternative finansierings- og organisasjonsformer for transportinfrastruktur”

Meir om Program for overordna transportforsking, POT