18,7 millionar kroner til betre kollektivtransport i distrikta

Samferdselsdepartementet har i dag fordelt 18,7 millionar kroner til i alt 31 prosjekt som skal utvikle nye løysingar for å styrkje kollektivtransporten i distrikta. Eit viktig føremål med ordninga er å leggje til rette for erfaringsutveksling mellom fylkeskommunane.

- Etter ei dobling av løyvinga til kollektivtransport til slike prosjekt frå i fjor, konstaterer eg at engasjementet og behovet for eit tilpassa og samanhengande kollektivtilbod i regionane framleis er stort. Føremålet med ordninga er å leggje til rette for eit meir effektivt, fleksibelt og godt kollektivtilbod i distrikta. Den store interessa for å søkje midlar syner at dette er ei ordning som bidreg til å setje fokus på kollektivtilbodet i distrikta. Prosjekta skal òg  bidra til å utveksle erfaringar og idear  på tvers av fylkesgrensene. Eg vonar at dette vil vere fruktbart for ytterligare utvikling av gode kollektivløysingar, seier samferdselsminister Liv Signe Navarsete. 

Prosjekt som omfattar tilbringarteneste og tingingsruter med drosjer kombinert med buss , båt og tog langs hovudrutene, er typiske for dei som har fått støttemidlar frå Samferdselsdepartementet.

Årets løyving er den andre i rekkja, og går både til vidareføring av prosjekt som mottok støtte for 2007 og heilt nye prosjekt. Det blir gitt støtte for eitt år av gongen, og prosjekta har i utgangspunktet ei tidsramme på tre år.

31 prosjekt får stønad for til saman 18,7 millionar kroner. I tillegg skal det setjast av midlar til erfarings- og informasjonsarbeid mellom prosjekta, slik at erfaringane kan kome flest mogeleg til gode.

For 2008 har Samferdselsdepartementet motteke søknader frå 14 fylkeskommunar til 45 prosjekt. Totalt blei det søkt om omlag 29 millionar kroner. 

 

Tildeling av midler til bedre kollektivtransport i distriktene i 2008 

Søker	Prosjekt	Tildeling i kr.
Vestlandsrådet Se under (1)	Ny gjennomgående ekspressbuss langs E39.	500 000
Reis i Vest Se under (2)	Utvikling av løsning for bruk av ungdomskort i nabofylkenes billettsystemer. Sogn og Fjordane, Hordaland og Rogaland	1 200 000
Østfold	Etablering av nye bestillingsruter til honnørreisende.	1 000 000
Buskerud & Regions-samarbeidet Se under (3)	Prøveprosjekt med kveldsruter mellom Åmot og Sigdal. Utarbeide og distribuere felles rutetabell for buss- og togtilbudet i Hallingdal.	450 000
Vestfold	Re kommune: Lokal ringbuss mellom tettstedene og Revetal sentrum. Andebu kommune: Planlegging av trafikknutepunkt i Kodal.	570 000
Telemark	Omlegging av TT-ordningen og marginale bussruter. Etablering av kollektivknutepunkt i Åmot i Vinje kommune.	1 000 000
Oppland	Bedre kollektivtilbud i Lillehammerregionen	7 000 000
Rogaland	Utprøving av ulike modeller for bestillingsruter mot ekspressbuss i kommunene Dalane, Suldal og Aksdal.	585 000
Hordaland	Utprøving av bestillingstransport mellom hjem og kommunesenter i kommunene Odda, Ullensvang og Eidafjord.	310 000
Sør-Trøndelag	Bestillingsruter til/fra ferje på øyene Sula og Mausundvær samt mellom Dyrøy og kommunesenteret.	1 500 000
Nord-Trøndelag	Videreutvikling og tilpasning av bestillingstransporter	2 975 000
Nordland	Utredning av bestillingstransport bemannet av frivillige organisasjoner, utredning av ungdomskort på riksvegferjene og omlegging av bussruter i Mo i Rana.	800.000
Troms	Etablering av servicerute i Berg kommune. Forsøk med pasienttransport på ruta Narvik – Tromsø. Transportsentral for forhåndsbestilling.	365 000
Finnmark	Utprøving av bestillingstransport til linjetrafikk i Alta kommune.	400 000
Totalt		18 655 000

 

1. Møre- og Romsdal, Sogn- og Fjordane, Hordaland og Rogaland