Utvalde hurtiglenker

    Historisk arkiv

    Historisk arkiv

    21,1 millionar kroner til betre kollektivtilbod i distrikta

    Historisk arkiv

    Publisert under: Regjeringen Stoltenberg II

    Utgjevar: Samferdselsdepartementet

    Pressemelding | Nr: 26/10 | Dato: 30.03.2010

    Samferdselsdepartementet har fordelt i alt 21,1 millioner kroner til prøveprosjekt for å betre det kollektive transporttilbodet i distrikta.

    - I distrikta er det òg behov for eit fleksibelt kollektivtilbod. Eg er glad for å kunna medverka til etablering av nye ruter og erfaringsutveksling mellom fylkeskommunane. Dette seier samferdselsminister Magnhild Meltveit Kleppa i samband med at Samferdselsdepartementet fordeler om lag 21 millionar kroner frå stønadsordninga ”Kollektivtransport i distrikta”.

    Denne forsøksordninga skal styrkja utvikling av kollektivtilbodet i distrikta gjennom utprøving og formidling av erfaringar frå ulike prosjekt. Årets tildeling er den fjerde i rekkja, og går både til vidareføring av noverande prosjekt og til nye prosjekt. Ved tildeling av midlane har ein prioritert prosjekt som har overføringsverdi til andre fylke.

    Utgreiing og utprøving av bestillingstransport, anten til rutegåande kollektivtransport eller til kommunesenteret, er ein fellesnemnar for fleire prosjekt. Andre tema er samordning av gjeldande ruter inn i nye tilbod, gjennomgåande billettering og felles rutetabell for kollektivtransporttilbodet på staden, offentleg transport og samordning overfor helsesektoren og utvikling av knutehaldeplassar.

    Prosjekt som får stønad i 2010 (* = nytt prosjekt):

    Søkjar

    Prosjekt

    Forslag til tildeling i kr

    Østfold

    Ut for 15 - Etablering av nye tingingsruter til honnørreisande.

    1 301 906

    Buskerud

    Tiltak i Modum og Sigdal kommune (kveldsrute)

    350 000

    Telemark

    1) Samorda informasjon og marknadsføring om kollektivtrafikken i Telemark *
    2) Tilrettelegging for nye brukargrupper på ekspressbuss, og direkte busstransport retta mot pasientreiser i Telemark *

    1 100 000

    315 000

    Aust-Agder

    1) Tilbringarteneste til Vegårdshei stasjon
    2) Kveldsruter til Froland *

    325 000
    275 000

    Oppland

    Betre kollektivtilbod i Lillehammerregionen 2007-2010

    5 200 000

    Hedmark

    1) Anropsstyrt, offentleg betalt transport i Østerdalen (Tolga).
    2) ”Storbyløsning for småbyer” (Elverum/Hamar) *

    1 125 000
    1 600 000

    Rogaland

    1) Tingingsruter i Dalaneregionen
    2) Tingingsrute Suldal

    350 000
    100 000

    Hordaland

    1) Vidareføring av tingingsruta i Eidfjord
    2) ”Servicebussen er her” – tingingsrute i Sund kommune *
    3) Tilrettelagt arbeidsrute i Nordhordland *
    4) Utvida rutetilbod i Tysnes kommune*

    75 000
    50 000
    245 000
    95 000

    Sogn- og
    Fjordane

    1) Treningsruter for born og unge
    2) Trygt heim for ein 50-lapp *

    750 000
    950 000

    Møre- og
    Romsdal

    1) Eiksund-sambandet –Garneskrysset *
    2) Knutepunkt Bruhagen og Atlanterhavstunnelen*
    3) Kollektivplan Molde kommune

    300 000
    600 000
    426 000

    Sør-Trøndelag

    Forprosjekt om samordning av offentleg betalte transportar i Sør-Trøndelag *

    375 000

    Nord-Trøndelag

    Vidareutvikling av tingingstransport i Nord-Trøndelag

    4 200 000

    Troms

    Utvida arbeids-, service- og fritidsrute mellom kommunesenteret Moen og Heggelia *

    980 000

    Totalt i mill kr

     

    21 087 906


    Ei evaluering av ordninga ”Kollektivtransport i distrikta” skal etter planen vera klar 1. mai 2010. 
     

    Til toppen