- Målet er å gi brukarar med stort behov for tilrettelagd transport moglegheit for eit meir aktivt liv. Forsøka skal gi auka kunnskap om opplegg og kostnader for eit utvida og målretta TT-tilbod. Samferdselsdepartementet har no for 2012 tildelt i alt 7,2 millionar kroner  til prøveprosjekt i tre fylke, opplyser samferdselsminister Magnhild Meltveit Kleppa.

Forsøka skal innrettast mot brukarar som har særleg behov for tilrettelagd  dør-til-dørtransport. Dei statlege midlane til forsøka skal ikkje erstatte, men koma i tillegg til fylkeskommunane sine eigne midlar til TT-ordninga.

Forsøka skal gjennomførast i perioden 2012 – 2014.

For 2012 er dei statlege forsøksmidlane fordelte slik:

  • Møre og Romsdal fylkeskommune 2,08 millionar kroner
  • Nord-Trøndelag fylkeskommune 2,6 millionar kroner
  • Østfold fylkeskommune 2,53 millionar kroner.

Utforming og gjennomføring av forsøk skal skje i samarbeid mellom fylkeskommunane og organisasjonane til dei funksjonshemma.