Ny styreleiar og nestleiar i Helse Midt-Norge RHF
Historisk arkiv
Publisert under: Regjeringen Solberg
Utgjevar: Helse- og omsorgsdepartementet
Pressemelding | Nr: 41/2014 | Dato: 30.10.2014 | Sist oppdatert: 10.11.2014
Ola H. Strand og Paul Steinar Valle er i dag oppnemnde til høvesvis styreleiar og nestleiar i styret for Helse Midt-Norge RHF. Liv Stette, kommunalsjef i Ålesund kommune, er nytt styremedlem.
Ola H. Strand og Paul Steinar Valle er i dag oppnemnde til høvesvis styreleiar og nestleiar i styret for Helse Midt-Norge RHF. Liv Stette, kommunalsjef i Ålesund kommune, er nytt styremedlem.
- Eg er trygg på at på at dei kjem til å vidareføre det viktige arbeidet som styret gjer på ein god måte, seier helse- og omsorgsminister Bent Høie.
Marthe Styve Holte gjekk av som styreleiar i Helse Midt-Norge RHF 13. oktober. Ola H. Strand er tidlegare nestleiar i styret i Helse Midt-Norge RHF, og Paul Steinar Valle tidlegare styremedlem.
– Både Strand og Valle har betydeleg røynsle frå styrearbeid, også frå styret for Helse Midt-Norge RHF, og vil bidra til viktig kontinuitet, seier Bent Høie.
Tenestetida er frå dags dato og fram til ordinær oppnemning av styret for Helse Midt-Norge RHF i januar 2016.