Kunnskap skal styrke eigenkontrollen
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Pressemelding | Dato: 02.06.2010
Administrasjonssjefen og kontrollutvalet skal få kvart sitt hefte for å stimulere og gi retning på det lokale arbeidet med å styrkje eigenkontrollen. Kommunal- og regionaldepartementet arbeider nå med å få desse to prioriterte tiltaka på plass.
Administrasjonssjefen og kontrollutvalet skal få kvart sitt hefte for å stimulere og gi retning på det lokale arbeidet med å styrkje eigenkontrollen. Kommunal- og regionaldepartementet arbeider nå med å få desse to prioriterte tiltaka på plass.
- Eg meiner at departementet no svarar på dei mest sentrale tilrådingane frå arbeidsgruppa som i desember 2009 la fram rapporten 85 tilrådingar for styrkt eigenkontroll i kommunane, seier statssekretær Dag-Henrik Sandbakken i Kommunal- og regionaldepartementet.
Kommunal- og regionaldepartementet og KS skal samarbeide om å sørgje for informasjonsmateriell til administrasjonssjefane om internkontrollen.
- Internkontroll har nær samanheng med leiing og styring. Dette er område der KS allereie gjer eit viktig arbeid, og eg er glad for at internkontroll no vil bli løfta fram i KS-samanheng framover, seier statssekretær Dag-Henrik Sandbakken i Kommunal- og regionaldepartementet.
Rolla som medlem i kontrollutvalet er annleis enn andre roller som folkevald. Arbeidsgruppa tilrådde derfor å lage rettleiing og informasjon tilpassa behova til medlemmene i kontrollvala. Kommunal- og regionaldepartementet er i ferd med å sende eit oppdrag om å lage slik rettleiing ut på anbod.
Kommunal- og regionaldepartementet sin pressetelefon: 22 24 25 00.