Forsell konstituert departementsråd

Ekspedisjonssjef Leif Forsell er konstituert som departementsråd i Landbruks- og matdepartementet frå og med 19. september og fram til fast departementsråd tek til i stillinga.

Leif Forsell er ekspedisjonssjef i Landbrukspolitisk avdeling. I hans stad er avdelingsdirektør Anne Marie Glosli konstituert som ekspedisjonssjef. Søknadsfristen for stillinga som departementsråd gjekk ut 1. september. Tilsetjingsprosessen skjer på vanleg måte. Tidlegare departementsråd Olav Ulleren har byrja i stilling som administrerande direktør i LHL Helse AS.