Norges birøkterlag og Honningcentralen

Statssekretær Harald Oskar Buttedahl følgjer nøye med på status for birøktarnæringa og landets honningproduksjon. Han vitja nyleg Norges birøktarlag og Honningcentralen på Kløfta .

- Eg set pris på dette høvet til å gå grundigare inn i dei utfordringar og moglegheitar som denne næringa står framfor, seier statssekretær Harald Oskar Buttedahl.

Etter møtet fekk Buttedahl omvisning i produksjonslokala til Honningcentralen.

Birøkt viktig for norsk landbruk
Verdien av birøkt er på om lag 100 millionar kroner i honningproduksjon. I tillegg er verdien av pollinering av frukt, bær, oljevekstar og anna rekna til 150 millionar kroner. I tillegg kjem biene si pollinering av ville planter. Talet på bifolk er dei siste 10 år blitt redusert med 30 prosent til om lag 50.000, medan trongen for biene sitt pollineringsarbeid i norsk landbruk er rekna til å vere nærare 70.000 bifolk.

Norges Birøkterlag er uroa for at ein fortsatt nedgang i talet på bifolk har negative konsekvensar for landbruksproduksjonen. Uroa blir forsterka av at fenomenet Colony Collaps Disorder (CCD) som medører kollaps i eit stort antall bifolk, nå  er påvist i mange land. Nedgaqngen i birøkta og fenomenet med førebels uforklarleg kollaps av bifolk har fått EU-parlamentet til å vedta ein resolusjon om at det skal forskast meir på bier. EU-kommisjonen har varsla eit pilotprosjekt som skal overvake helsestatusen til biene i medlemslanda. Birøkterlaget har eit godt samarbeid med Mattilsynet og Norges Veterinærhøgskole når det gjeld overvaking, diagnostikk og tiltakmot sjukdommar.