Mål for ordninga og målgruppe
Målet med tilskotsordninga er å medverke til å gjennomføre tiltak og aktiv skjøtsel for å ta vare på utvalde naturtypar og mangfaldet av artar som kjenneteiknar den einskilde naturtypen.
Målgruppe for ordninga er grunneigarar, lag og foreiningar på lokalt og regionalt nivå. I tillegg kan privatpersonar, landsdekkjande organisasjonar, kommunar og institusjonar (t.d. museum, universitet, landbruksforetak, forskingsinstitusjonar ) søkje om tilskot.
Det kan søkast om tilskot til tiltak retta mot følgjande naturtypar:
- Hule eikar
- Kalksjøar
- Kalk-lindeskog
- Kystlynghei
- Slåttemark, inkludert lauveng
- Slåttemyr
- Høstingsskog (styva trær)
- Kystlynghei
- Ålegraseng
Kva for tiltak kan få tilskot
Tiltak som kan få tilskot er:
- Skjøtsel, som t.d. rydding, hogst, slått, brenning, trepleie, ringbarking, lauving, inkludert plan for dette
- Tilpassa driftsform i jord- og skogbruk, tilpassa beiting
- Restaurering, som t.d. rydding av buskoppslag og trær
- Gjerding
- Tiltak som fjernar og hindrar spreiing av framande artar
- Informasjon
- Kartlegging i samband med tiltak
Søknader om tilskot til skjøtselstiltak som er forankra i ein skjøtsels- eller tiltaksplan vil bli prioritert.
Det oppmodast til samfinansiering, t.d. med miljøtiltak i landbruket, der dette er mogleg.
Kor skal søknaden sendast
Direktoratet for naturforvaltning sitt søknadssystem på internett skal nyttast. Søknaden skal adresserast til fylkesmannen i fylket søknaden gjeld.
Søknadsfrist og sakshandsaming
Søknadsfristen er 15. januar 2012.
Fylkesmannen handsamar søknadane innafor ei budsjettramme fastsett av Direktoratet for naturforvaltning. Fylkesmannen skal i si handsaming drøfte prioritering av søknadane med kommunane det gjeld. Fylkesmannen skal vurdere søknadane etter naturmangfaldloven Kap II.
Storleiken på tilskotet vert fastsett etter ei skjønn¬s¬messig vurdering av kvar søknad og det totale søknadsvolumet sett i samanheng med tilgjengelege midlar.
Alle søkarar skal få svar innan 1. april 2012.
Krav til innhald i søknaden
Direktoratet for naturforvaltning sitt søknadssystem på internett skal nyttast. Rett utfylling i dette systemet oppfyller krava til kva søknaden skal innehalde. Fylkesmannen kan kontaktast for hjelp til utfylling.
Fylkesmannen kan krevje at søknaden er basert på godkjent skjøtselsplan, eller kan stille som vilkår at plan blir utarbeidd.