Innovasjonslån til nyetablerarar og oppstart-bedrifter

Regjeringa vidareutviklar Innovasjon Norge si ordning med landsdekkjande risikolån til ei ny ordning med landsdekkjande innovasjonslån. Samtidig vert låneramma utvida frå 100 millionar kroner til 300 millionar kroner.

– Bedrifter i heile landet vil nyta godt av dette. Innovative vekstbedrifter har ofte eit stort utviklingspotensiale, og innovasjonslåna skal stimulere til å utnytte dette betre, seier nærings- og handelsminister Dag Terje Andersen.

Den nye ordninga skal i større grad rettast mot innovasjon og internasjonalisering, og er primært retta inn mot tidleg- og kommersialiseringsfasen i bedriftene. Ordninga skal særleg styrkje innsatsen for bedrifter i sentrale strøk. Innovasjonslåna skal bidra der private aktørar åleine ikkje nødvendigvis strekkjer til med kapital.

Sjå også St.prp. nr. 1 frå Nærings- og handelsdepartementet kap. 2421.