Vidareføring av drift på Bratsbergbanen

- Regjeringa er innstilt på å inngå ein avtale med Telemark fylkeskommune om vidareføring av drift på Bratsbergbanen på nærmare vilkår, seier samferdselsminister Magnhild Meltveit Kleppa.

- Vi ønskjer å styrkja tog som framkomstmiddel, og har registrert det sterke engasjementet som er rundt Bratsbergbanen, seier samferdselsministeren.

Frå staten vil dette vera føresetnadene:

• Statleg kjøp av persontransporttenester i ein prøveperiode på fire år, frå 1. januar 2011, innanfor ei årleg ramme på inntil 16 millionar kroner.
• Fylkeskommunal finansiering av drifta ut 2010.
• At fylkeskommunen legg fram ein strategi for å auka passasjertalet til 100 000 per år. Ein føresetnad for vurdering av vidare drift ut over prøveperioden, er at dette målet blir nådd i perioden.

Regjeringa legg til grunn at ein avtale blir inngått i god tid før framlegging av statsbudsjettet for 2011.