Statssekretær Ingrid Fiskaa møter Børge Brende, Elisabeth Rasmusson og Baber Qazi for å følgje opp det nylege besøket til Pakistan. 

Fiskaa kom heim denne helga etter å ha besøkt dei flaumramma områda i Pakistan. Sjå bilete frå besøket på Flickr-sida til UD. 

Måndag møter ho tre av dei norske hjelpeorganisasjonane som no arbeidar i dei flaumramma områda. Mellom andre kjem Børge Brende frå Raudekrossen, Elisabeth Rasmusson frå Flyktninghjelpa og Baber Qazi frå Rahma Islamic Relief Network. 

Noreg har gitt 115 millionar kroner til flaumofra i Pakistan. Sjå korleis pengane brukast her. 

Slutten av møtet er ope for journalistar, frå klokka 14.45. 

Tid: Måndag 6. september, kl. 14. Pressa er velkomne mot slutten av møtet.
Stad: Fiskaa sitt kontor, Utanriksdepartementet

Pressekontakt: Informasjonssjef Trond Viken, mobil: 992 18 303.

**** 

Pressemeldingar og nyhende om bistand og utvikling skal vere lette å lese. Solheims rådgjevarar brukar Liks til å teste kor enkle tekstar er å lese. Teksten du les no har ein verdi på 32. Det er det same som i vekeblad. Les meir om kampen for eit enklare språk i staten hos Klarspråk.no.