Gjølstad held fram som direktør for Sivil klareringsmyndigheit
Nyheit | Dato: 03.11.2023 | Justis- og beredskapsdepartementet
I statsråd i dag blei noverande direktør i Sivil klareringsmyndigheit (SKM), Gudmund Gjølstad, åremålstilsett for ein ny periode på seks år.
Gjølstad (50) vart i 2018 utnemnd til den aller fyrste direktøren i det då nyoppretta direktoratet, SKM. Han kom frå stillinga som administrasjonssjef i Medietilsynet, kor han i ein kortare periode også var konstituert som direktør. Før det var han yrkesmilitær, med ein variert tenestebakgrunn.
Om Sivil klareringsmyndigheit
Sivil klareringsmyndigheit (SKM) er eit direktorat og forvaltningsorgan under Justis- og beredskapsdepartementet. Som den sentrale sivile klareringsmyndigheita er deira samfunnsoppdrag å beskytte nasjonale verdiar ved å redusere risikoen for innsidarar.
Dette gjer SKM:
- Personkontrollar av personar i sivil sektor med behov for tryggingsklarering (sikkerhetsklarering) eller åtgangsklarering (adgangsklarering)
- Gjennomfører tryggingssamtalar med personar som treng tryggingsklarering eller åtgangsklarering
- Oppslag i nasjonalt register (registeret er ei oversikt over alle aktive vedtak som er fatta i klareringssaker, både positive og negative.