Ungdomsprosjekt i Steinkjer får 1 000 000 i bulystmidlar
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Pressemelding | Dato: 01.09.2011
Ei rekke prosjekt i heile landet får midlar til å arbeide med bulyst. - Det har vore eit krevjande arbeid å plukke ut dei beste av heile 182 søknader. Eitt av desse er Nær-Ung og ligg i Steinkjer i Nord- Trøndelag, seier kommunal- og regionalminister Liv Signe Navarsete.
Ei rekke prosjekt i heile landet får midlar til å arbeide med bulyst. - Det har vore eit krevjande arbeid å plukke ut dei beste av heile 182 søknader. Eitt av desse er Nær-Ung og ligg i Steinkjer i Nord- Trøndelag, seier kommunal- og regionalminister Liv Signe Navarsete.
- Regjeringa vil at alle i Noreg skal ha høve til å bu der dei ønskjer. Bulystsatsinga inneber midlar til utviklingsprosjekt som skal vere med på å skape attraktive lokalsamfunn. Me er særleg ute etter prosjekt som har nasjonal overføringsverdi. Søknadsbunken vitnar om eit stort engasjement i heile landet, seier kommunal- og regionalminister Liv Signe Navarsete.
I utveljinga av bulystprosjekt har Kommunal- og regionaldepartementet særleg lagt vekt på kvalitet, forankring, nytenking og samarbeid. Viktige målgrupper er ungdom, kvinner og innvandrarar. Også fylkeskommunane har spelt ei viktig rolle i handsaminga av søknader.
Nær-Ung er eit pilotprosjekt retta mot ungdom mellom 13 og 26 år. Prosjektet har tre hovudmålsettingar. Den første målsettinga er å bidra til å skape ein betre kultur for gründere, entreprenørskap og innovasjon blant ungdom. Den andre hovudmålsettinga er å bidra til å utvikle attraktive lokalsamfunn med fokus på ungdom og næring. Den tredje hovudmålsettinga er å bidra til metodeutvikling for gjennomføring av Kunnskapsløftet.
- Dette ungdomsprosjektet grip fatt i heilt sentrale utfordringar for mange småkommunar. Eg gleder meg til å sjå kva resultat de klarer å få til, seier Navarsete.
Kommunal- og regionaldepartementet sin pressetelefon: 22 24 25 00.