Pressestipend for reise til Sahel

Utanriksdepartementet lyser ut pressestipend i samband med reise til Afrika og  svoltkatastrofa i Sahel.

NB! Søknadsfrist måndag 7. mai.

Utviklingsminister Heikki Holmås besøkjer Sahel i mai i samband med svoltkatastrofa. Sahel-regionen i Vest-Afrika er ramma av langvarig tørke. På den same reisa besøkjer Holmås òg Liberia og Botswana.

For å stimulere til kunnskap og debatt om norsk utviklingssamarbeid lyser Utanriksdepartementet ut inntil tre stipend på inntil 25.000 kroner i samband med reisa. Journalistar som ynskjer å delta på heile eller delar av reisa kan søkje. Det vil verte krav om rekneskapsoversikt, samt kopi/lenkjer til publisert materiale. Sjå retningslinjene Utanriksdepartementet har for pressestipend.

Av omsyn til visum ber ein presse som vil vere med på heile eller delar av reisa om å ta kontakt seinast måndag 7. mai.

Send kort søknad med bakgrunn om søkjar og planlagde kanalar for publisering elektronisk til media.utvikling@mfa.no. Merk e-posten «Journaliststipend» og stil til:

Utanriksdepartementet
Avdeling for regionale spørsmål og utvikling
Seksjon for etatsstyring, budsjett og forvaltning
PB 8114 Dep.
0032 Oslo.

NB! Søknadsfrist måndag 7. mai.

Pressekontakt: Kommunikasjonsrådgjevar Hege T. Magnus, mobil 941 42 792, e-post htm@mfa.no.

****

Pressemeldingar og nyhende om bistand og utvikling skal vere lett å lese. Solheims rådgiverar bruker Liks til å teste kor enkle tekstar er å lese. Denne pressemeldinga har ein verdi på 34. Det er det same som i skjønnlitteratur og vekeblad. Les meir om kampen for eit betre og klarare språk i staten hos Klarspråk.no.