Høringssvar fra Hjartdal kommune
HØYRING - ENDRING AV LOV OM EIGEDOMSSKATT TIL KOMMUNANE. FRAMLEGG OM Å FJERNE EIGEDOMSSKATT PÅ PRODUKSJONSUTSTYR MV I VERK OG BRUK
Svartype:
Med merknad
- Hjartdal kommune støttar ikkje framlegget til endringar i regelverket for eigedomsskatt.
- Framlegget vil føre til eit inntektstap for Hjartdal kommune på kr 1.314.000,-. For mange andre enkeltkommunar vil framlegget føre til betydeleg større inntektstap. Omkring halvparten av inntektstapet vil bli overført staten i form av auka selskapsskatt og særskatt og vil ikkje kome dei næringsdrivande til gode.
- Hjartdal kommune meiner at kommunane etter lokaldemokratiske avvegingar på behalde retten og fleksibiliteten til å skrive ut eigedomsskatt på verk og bruk, inklusiv produksjonsutstyr.
- Framlegget inneberer at føresetnadane for kommunane sitt sjølvstyre ver redusert. Framlegget strider soleis mot regjeringa sitt løfte i Sundvollen-erklæringa om at kommunane skal behalde ein større del av dei inntektene som vert skapt lokalt.
- Framlegget oppfyller ikkje departementet sine målsettingar om at eigedomsskatte-taksering skal vere føreseielig og skape likehandsaming.
- Hjartdal kommune støttar framlegget frå KS om at viss lovsaka gjeng vidare, må det opprettast ein brei samansett lovkomitè med eit tydeleg mandat.
- Hjartdal kommune krev at kommunesektoren må kompenserast fullt ut for ei eventuell innskrenking i retten til å skrive ut eigedomsskatt. Slik kompensasjon må stadfestast og synleggjerast i ei eventuell sak til Stortinget.