Meld. St. 19 (2023–2024)
Profesjonsnære utdanningar over heile landet
Tilråding frå Kunnskapsdepartementet 5. april 2024, godkjend i statsråd same dagen. (Regjeringa Støre)
Melding til Stortinget
Lærarar, ingeniørar og helse- og sosialfagleg personell har nøkkelroller for velferd og verdiskaping i det norske samfunnet. Framover vil dei møte eit arbeidsliv i stor endring. Vi treng at fleire utdannar seg til desse profesjonsyrka og at utdanningane blir meir profesjonsnære. Regjeringa vil derfor styrke den erfaringsbaserte kunnskapen, gi fagmiljøa større handlingsrom og gi fleire moglegheiter til å utdanne seg til desse viktige yrka.